'Dre, isa lang ang masasabi ko sa iyo sa pasimula --- Ang tapang mo!
***
'Dre, dun sa text mo sa People's Journal nung Sept. 19, tungkol sa diumano'y korapsyon sa CMU at pagiging "pambalot ng tinapa" ng The Current", pare, pinabilib mo ako sa lupit ng pagkana mo laban sa paaralang pinanggalingan mo (marahil). At least, 'dre, binigyan mo ako ng pagkakataong gumising ng kahit 2 oras sa pagtulog ko kakabasa sa mga comment at note ng mga estudyante ko sa Facebook, at magsalita na rin.
***
Pare, halos tama ang ginawa mo. Meron namang probisyon sa Konstitusyon (Art. III, Sek. 7) na nagsasabing lahat tayo ay binigyan ng karapatan ng estado na magpahayag ng ating mga nasasaloob. Totoo yan. Pero, 'dre, hindi yun yung kaso.
Inuulit ko. Halos Tama.
***
Halos tama, kasi, kung pagbabasihan natin ang mga kaso ukol sa karapatang nabanggit (na pinattern lang natin sa US), lalo na kung babasahin ang Falwell vs. Hustler Magazine, gayundin ni Justice Malcolm sa iba niyang mga kaso, mahalaga sa pagbuo ng isang bansa ang bawat opinyon. Pero sa kasong ito, maging moral naman tayo.
***
May etika sa pagpapahayag, 'dre, baka di mo lang alam. Sang-ayon sa unang bahagi ng PPI Code of Ethics, ang isang mamamahayag ay dapat mabusising hanapin ang kanyang mga datos para maging patas at obhetibo ang kanyang ilalabas sa masa. Kahit ano pa yan. Kahit pa opinyon. Try mong magbasa ng mga artikulo sa diyaryo nang malaman mo.
***
Pwede mo namang idahilan na hindi ka mamamahayag; na nag-ere ka lang ng pahayag mo sa diyaryo, pero para sabihin ko sa iyo, sa ginawa mong yan, nag-engage ka na sa tinatawag nating citizen journalism. 'Dre, nagpaka-journalist ka na sa lagay na yan.
***
At kahit na hindi, 'dre, tingnan mo, ang dami mong tinamaang tao. Galit sa iyo ngayon yung mga nagpakahirap bumuo ng diyaryong yan. Di birong effort yung ginawa namin ni Ma'am Sheila dyan sa paumpisa. Hanggang ngayon na solong kargo na lang ni Ma'am Sheila ito. Natural lang yun. Pero sana pre, kung binira mo kami, objective mo sana kaming binira. Yung may basis naman.
***
Kaso hindi, 'dre eh. Wala ka man lang pinakitang datos. Puro tingin. Puro pananaw. Walang ebidensya. Walang totoo. Lumipad lang sa ere at nanakit na parang lamok ang mga salita mo. Parang lamok talaga. Masakit lang pero walang saysay.
***
Oo, the truth hurts, pero wag mong ibungad sa amin yan. Kung magtatapang-tapangan ka rin lang, 'dre, ituluy-tuloy mo na. Hinahamon kita. Magpakita ka ng ebidensya ng korapsyon kung meron. Magdala ka ng saku-sakong ebidensya at mga batas na magiging sandigan kung tama ka o mali. Ipakita mo sa batas. Huwag mo muna dalhin sa media. Ilantad mo ang sarili mo at yung basehan ng alegasyon mo kung talagang matapang ka.
***
'Dre, hindi ako magsasayang ng ganitong oras para sa iyo kung hindi mahalaga para sa akin ang CMU at ang The Current. Sa tingin ko, ganun rin yung mga estudyante ko na nagpost ng comment at note. Kaya wag mong sayangin yung oras namin. Kung wala kang ebidensya, walang katuturan ang tinext mo. Puro ka lang satsat.
Busalan mo na lang yang bibig mo sa susunod na may maiisip ka pero wala kang ebidensyang panghahawakan --- yan ay kung ayaw mong makita ang sarili mong kinakain lahat ng sinabi mo.
Comments
Whoever he is, he has the right to express what he feels but of course with basis.
If you can read the whole message, he even mentioned the name of Dean Angelica Triguero na "baldado, ginagamit ang posisyon at anti-student pa".
In the first place, Dean is not inutil or baldado. Napakabigat ng mga ibinibintang niya.
In the second place, she definitely is not an 'anti-student' because she even gave 1,000 pesos for our literary portfolio coming from her own pocket. Although there are instances that she gave questionable grades to students that really make their heads hot but that's a part of her job as a professor.
Maaaring naging matapang siya para ibunyag ang hindi kanais-nais na kalagayan ng City of Malabon Unversity dahil na rin sa pulitikang umiiral sa administrasyon ng lungsod ng Malabon hindi lamang sa CMU, ngunit nagpahayag siya ng saloobin na hindi man lang inaalam kung bakit ganun ang itsura ng aming dyaro. Bakit niya pa kailangang gumawa ng mga mapanirang alegasyon laban sa aming Dean.
Why don't he send a column to the People's Journal about what is really happening in the university because of our privy politicians and administrators if and only if he is indeed a 'bonafied student' of CMU who is aware of what are really happening in his alma mater.